Refund policy
Return & Refund Policy
Desi Roots khane ki cheezein bechta hai, is liye hamari policy food safety ke usoolon par bani hai. Neeche saaf saaf likha hai ke kya wapas ho sakta hai aur kya nahi.
Parcel kharab, toota ya leak ho kar aaye
Shishe ke jar hain, is liye kabhi kabhi aisa ho jata hai. Aisi surat mein hum mukammal replacement bhejte hain, bina kisi charge ke.
Kya karna hai: delivery ke 48 ghante ke andar WhatsApp par 0303 7700029 par apna order number aur parcel ki tasveer bhej dein. Hum foran replacement process kar dete hain.
Ghalat product aa gaya
Agar aap ko woh cheez nahi mili jo aap ne order ki thi, to delivery ke 48 ghante ke andar hamein WhatsApp par bata dein. Hum sahi product apne kharche par bhejenge aur ghalat product wapas mangwa lenge.
Khule hue product wapas nahi hote
Jo jar ya pouch khul chuka ho, us ki seal toot chuki ho, ya jo istemaal ho chuka ho — woh wapas nahi liya ja sakta. Yeh policy ki sakhti nahi, food safety ki majboori hai: khane ki cheez ek dafa aap ke ghar pahunch kar khul jaye, uske baad hum us ki halat ki zimmedari nahi le sakte.
Isi liye hum pehli baar order karne walon ko chhota size lene ka mashwara dete hain — masalan 500g shehad ya 10g shilajit.
Zayeqa pasand nahi aaya
Agar product mein koi kharabi nahi lekin zayeqa aap ki tawaqqo par poora nahi utra, to hamein WhatsApp par zaroor bataein. Sealed aur unopened halat mein, delivery ke 7 din ke andar, hum wapsi par ghaur karte hain — wapsi ka courier kharcha aap ka hoga. Khule hue product par yeh lagoo nahi hota.
Cash on Delivery aur order refuse karna
COD order par aap paise tab dete hain jab parcel aap ke haath mein aata hai. Agar aap parcel wasool nahi karna chahte, to courier ke aane se pehle hamein WhatsApp par bata dein — hum usay rok sakte hain.
Baar baar parcel refuse karne par hum aainda orders ke liye advance payment maang sakte hain.
Refund kitne din mein milta hai
Jin orders ki payment advance mein hui ho, un ka refund manzoori ke baad 7 se 10 karobari din mein usi tareeqe se wapas kiya jata hai jis se payment hui thi. COD orders mein aam tor par replacement bheja jata hai; agar refund banta ho to bank transfer ke zariye bheja jata hai.
Rabta
Kisi bhi masle ke liye sab se tez raasta WhatsApp hai: 0303 7700029
Email: info@desiroots.pk
Desi Roots, Shop No. 4, Near Gulberg Park, Gulberg Housing Society, Vehari, Punjab 61100, Pakistan